@ 
黃大仙民政處聯同黃大仙青年網絡及康文署喺上週末 舉辦咗不同活動 ，同大家歡度暑假 ！一齊重溫活動點滴啦 ！
黃大仙青年發展網絡x青年營
黃大仙青年網絡(YDN)上週末（2/8-4/8）喺香港基督教女青年會梁紹榮度假村舉辦3日2夜青年營 。青年營係YDN年度重頭戲 ，今年反應熱烈 ，超額報名 ，共有55位活力充沛嘅青年先鋒參與活動 ！
黃大仙民政專員Thomas親臨活動啟動禮 ，為一眾青年先鋒打氣 ！青年營活動豐富，包括繩網 、定靶射擊 、D-game、Soci-game同一系列團隊建立遊戲 。一眾青年先鋒亦要發揮團隊精神同解難能力合作完成多個高難度任務 ！資深YDN成員仲帶領青年先鋒挑戰「信任天梯」 、「Lego高塔」及「蜘蛛網」 等歷奇活動。大家無懼炎熱天氣 ，全情投入 ，力求突破自我 ！
青年營畀一眾青年先鋒認識自己 、加強解決問題能力 、建立團隊精神及領導才能 。YDN會繼續舉辦更多青年活動 ，歡迎大家約埋身邊嘅青年朋友一齊參與 ！
全民運動日2024@黃大仙區
尋日（4/8）係全民運動日 ，商務及經濟發展局 CEDB局長丘應樺、黃大仙民政專員Thomas 、康文署黃大仙區康樂事務經理林綺媚及多位黃大仙區議員到蒲崗村道體育館 響應今年「日日運動半個鐘 健康快樂人輕鬆」嘅主題 ，身體力行同區內居民體驗各項體育運動 ，傳遞「全民運動」嘅信息 。
局長同大家一齊打乒乓波 、打八段錦、玩新興遊戲同體驗劍擊 ，氣氛熱鬧 ！
黃大仙民政處會繼續與地區團體舉辦更多體育活動 ，鼓勵居民建立健康生活模式 ！
@ 