@ 
為推動「無處不旅遊」同提振地區經濟，萬眾期待嘅「輕鐵發現號-元朗專綫 」正式啟航 。「元朗專綫 」以輕鐵 為旅遊主題，車廂內外均以色彩繽紛 嘅手繪插畫布置 ，展現元朗及天水圍與別不同嘅 文化景觀、 休閒活動及 美食風情。車上亦設有廣播 及旅遊大使沿途介紹 ，豐富旅客體驗。
「元朗專綫 」每逢周六、日及公眾假期行駛，全日共設2班車，分別喺早上11:00 及下午2:30 由輕鐵元朗站 出發至天逸站 。旅客可以喺途中10個特選輕鐵車站隨意上落 ，方便暢遊元朗及天水圍。無論係喜歡「 文化自然之旅」、「 地道美食之旅」或「 親子樂之旅」，相信每位乘搭「元朗專綫 」到訪元朗嘅旅客都可以搵到啱心水 嘅行程。
呢次旅遊推廣計劃亦得到「元朗商會」及多個區內商戶鼎力支持 ，為旅客提供購物優惠 ，與「輕鐵發現號 – 元朗專綫 」相得益彰 ，呢個正係結合地區力量嘅成果 。
專綫啟動禮由元朗民政專員胡天祐、運輸署助理署長（巴士及鐵路）黃志光、元朗商會主席劉德平、元朗區議會提振地區經濟專責工作小組主席黃元弟等擔任主禮嘉賓。歌星 譚輝智仲擔任「元朗商會輕鐵旅遊專列大使 」，乘搭「輝智號 」帶大家漫遊元朗、探索屏山。
元朗商會仲為搶先體驗嘅旅客、街坊同學生等，安排喺屏山鄧氏宗祠參加「穿梭元朗美食圍村文化旅遊」啟航禮 ，一齊品嚐 圍村風味嘅盆菜 ，仲可以順道遊覽屏山文物徑 ，了解屏山鄧族民俗文化及領略新界傳統風貌，大家都盡慶而歸。
