@ 
近日，元朗區關愛隊進行第五次工作會議，博愛醫院嘅代表為關愛隊介紹各項地區服務同支援計劃，讓關愛隊可以更充分利用社區資源，去提供惠及居民嘅服務同將有特別需要嘅居民作合適轉介。除此之外，地區服務及關愛發展基金(元朗)主席李聖根、執行主席呂堅等代表亦出席會議，同關愛隊一眾成員分享實務工作心得，以及基金可以提供嘅支援，讓各隊關愛隊嘅運作更加有效率。今次分享絕對係一個非常好嘅經驗交流！
另外，相信大家都留意到精神健康議題近年備受社會關注，民政總署聯同醫務衞生局為關愛隊舉辦「精神健康急救」課程，讓關愛隊隊員認識常見嘅精神健康問題，掌握精神健康支援嘅入門技巧。導師即場分享好多實用嘅溝通技巧，關愛隊日後就可以向市民提供更到位嘅支援。
元朗區關愛隊會繼續凝聚社區資源，為居民帶嚟更全面嘅服務，切實發揮「民政幫到你」嘅精神。
@ 
@