@ 
同學仔學業繁重 ，平時未必有時間親身感受香港不同地區嘅特色文化景點 。有見及此，屯門民政處聯同屯門區青年發展及公民教育委員會15/11舉辦咗「探索香港日」，讓「成功有約」嘅年輕學員到香港不同地區走走看看，邊遊歷 ，邊探討 ，邊體驗 ，盡情發掘多元嘅本地文化！
第一站係屏山鄧族文物館。文物館係由戰前興建嘅舊屏山警署改建而成，同學仔細心觀賞館內嘅珍貴文物展品 ，了解到鄧氏族人喺屏山定居同生活嘅歷史文化。學員之後走訪流浮山一帶 ，喺導遊悉心講解下體會漁村歷史及發展 ，感受沿海當地漁民嘅生活。午餐後，同學仔就出發到大館參觀，喺充滿歷史文化氣息嘅建築群中，探索香港嘅歷史。
一整天嘅參觀體驗活動，唔單止加深咗參加者對香港嘅認識，更係為同學仔帶嚟咗難忘嘅回憶。喺小組分享環節，學員都踴躍分享自己喺呢次活動嘅得著 ，佢哋體會到香港有好多珍貴又獨特嘅文化，需要一直傳承落去 ，稍後會聯同朋友仔 再次出去探險，探索更多香港嘅特色！
