@ 
全港獨家!!呢幾日最不同凡響嘅遊樂園就喺南區 —— 數碼港以豐富想像力同人工智能為大家帶嚟非凡體驗，統統都喺2024數碼娛樂領袖論壇(DELF)！
位於南區嘅數碼港一向係香港創科經濟嘅重要據點，今年嘅DELF係全港唯一線上線下嘅數碼娛樂領袖論壇，滙聚世界各地創科精英同國際革新科技展示，涵蓋商業、娛樂、體育、文化、藝術、教育及智慧生活各個領域。政府預留30億元推動人工智能、量子科技等前沿科技領域嘅基礎研究，而當中人工智能（AI）技術同科技革新Web3.0更係今年DELF嘅重中之重。
財政司司長陳茂波、創新科技及工業局Innovation, Technology and Industry Bureau 副局長張曼莉、中聯辦青年工作部二級巡視員張國來、署理南區民政專員陳芷羚今日聯同一眾創科先驅出席DELF嘅開幕禮。司長與一眾嘉賓率先體驗6個創新科技，唔單止玩得盡情，仲讚嘆科創人才嘅智慧，更為南區嘅數碼港作為香港科創嘅發源地及國際化嘅交流平台感到高興。
南區數碼港DELF有咩好玩呀？
體驗專區分別設有「智慧生活」、「機械人技術」、「運動與遊戲」及「藝術與文化」四個主題，提供多項獨特創新嘅體驗及展示。DELF嘅想像遊樂園一連三日（16 -18/8）喺數碼港舉行，約定大家，不論天氣陰晴，一齊喺線上線下去呢個遊樂園玩，由南區出發邁向世界，齊齊體驗新科技！
