@ 
今日 (4月25日)係一個值得荃灣區少訊驕傲嘅大日子！喺今日舉行嘅「少年警訊 AI-gital Nomads計劃頒獎典禮」中，荃灣區少年警訊憑住無比嘅熱誠同毅力，喺全港眾多警區中脫穎而出，勇奪「最積極參與警區（小學組）頭三甲」嘅驕人佳績！
頒獎禮今日於香港浸會大學曾陳式如會堂盛大舉行，大會好榮幸邀請到行動處處長呂錦豪先生擔任頒獎嘉賓。為咗全力支持同肯定一班荃灣區少訊嘅努力，將帥同心，一齊見證榮耀時刻，荃灣警區嘅重量級代表亦親自上台領受這份殊榮，包括新界南總區指揮官張惠華助理處長、荃灣警區指揮官羅家康總警司、荃灣警民關係主任陳學俊總督察及荃灣區少年警訊名譽會長會委員王小華先生。最令人感動嘅係，今日有9位優秀嘅荃灣區少訊精英獲大會頒發一級榮譽證書，每一張證書背後，都係同學們由零開始探索 AI、課餘時間努力學習嘅最佳證明。
因應國家「十五五規劃」及「人工智能+」嘅發展大趨勢，少訊警訊為青少年精心打造咗一系列與時並進嘅科技課程。由浸會大學舉辦嘅實體課堂，涵蓋「學科專題」、「遊戲開發」甚至「AI網紅及社交媒體工作坊」嘅網上選修課，荃灣少訊嘅領袖謝可柔都積極參與其中，最終作品獲得中學組最佳人氣獎，展現出對尖端科技嘅渴求同無限潛能！
小編再次熱烈祝賀荃灣區少年警訊，期望未來有更多青少年加入荃灣區少訊大家庭，一齊擁抱科技，裝備自己，成為帶領未來社會發展嘅 AI 數碼領袖！
@