@ 
上星期五(16/1)，九龍樂善堂喺九龍城賈炳達道公園樂善亭舉行咗「樂善亭時間囊開啟儀式」 ，儀式由民政總署署長杜潔麗主禮，九龍城民政專員蔣志豪亦到場一同見證呢個極具意義嘅時刻！
時間囊於二零零零年十二月十二日封存，轉眼間已歷經四分之一個世紀，內裏珍藏樂善堂歷史、社會服務成就，以及當時社會面貌等珍貴資料，極具紀念價值，更承載住樂善堂先賢嘅期許。
署長喺致辭中表示，時間囊封存嘅二十幾年間，樂善堂一直秉承「救災紓困、贈醫施藥、興學育才、安老培幼」嘅宗旨，服務香港市民，將樂善堂嘅精神同使命發揚光大，係香港社會不可或缺嘅堅實力量 。佢亦藉此向樂善堂主席及一眾總理致以衷心感謝。
未來，期望樂善堂繼續與特區政府通力合作，攜手共建和諧穩定、關愛共融嘅社會。
