@ 
黃大仙青年發展網絡同黃大仙區青年發展及公民教育委員會喺17-23/8 合辦「哈薩克斯坦阿拉木圖考察交流團」 。黃大仙區青年發展及公民教育委員會主席彭穎生及青年交流計劃小組召集人馮錦濠帶領22位青年到「一帶一路」重要夥伴國家—哈薩克斯坦，了解當地歷史文化及「一帶一路」倡議下嘅發展機遇 。交流團行程豐富 ，一齊重溫旅程首3日嘅精彩內容啦 ！
文化篇—參觀文化古蹟 體驗傳統民族藝術
青年率先參觀多個文化古蹟，包括28烈士紀念公園、Zenilov東正教堂及哈薩克斯坦國家博物館等 ，了解當地多元文化、宗教同歷史 ；仲參與毛氈藝術工作坊 ，親身體驗當地風土民情 ！
交流篇—與當地大學、中國總領事館、中哈合資企業交流
青年隨後到哈薩克斯坦國立科技大學與當地學生交流 。當地學生除咗分享當地教育體系及升學就業情況外 ，更即席表演民族歌舞 ，畀青年一睹其民族風采 。
交流團之後到訪中國駐阿拉木圖總領事館，了解領事館喺當地嘅工作、「一帶一路」為哈薩克帶嚟嘅經濟機遇 以及喺哈薩克嘅港資企業嘅商機 。青年隨後到中國電力建設集團旗下嘅謝列克風電站參觀 ，了解中哈共建嘅新能源發展項目 。
基建篇 —— 參觀重要基建項目
嚟到行程第3日，青年朋友登上科克捷別山頂 ，參觀Kok-Tobe電視塔 ，一覽當地獨特嘅城市面貌 。一行人再乘搭阿拉木圖地鐵，了解當地交通運輸網絡嘅發展 。
交流團將繼續展開豐富嘅行程，包括參觀市郊Topzhargan Village、恰倫大峽谷、阿拉木圖傳統市集Green Bazaar等 ，了解哈薩克斯坦嘅發展近況及歷史文化 。
相信今次交流能夠加深各位青年對「一帶一路」嘅了解 ，擴闊國際視野 。黃大仙民政處會繼續與社會各界攜手合作 ，讓青年人放眼四海，發掘不同發展機遇 ！
@