@ 
今日係第11個「全民國家安全教育日」，為咗加強九龍城街坊對國家安全嘅認識，九龍城區關愛隊今日（15/4）喺區內不同地方設置宣傳街站向九龍城街坊宣傳「全民國家安全教育日」。九龍城民政專員兼九龍城區關愛隊總指揮蔣志豪到場同九龍城區關愛隊隊員及義工向街坊派發紀念品，宣傳國家安全嘅重要性，並傳遞「主動對接『十五五』規劃 堅持統籌發展和安全」嘅國安信息。
九龍樂善堂今日亦喺樂善堂王仲銘中學舉辦「心繫家國——全民國家安全教育日暨新興運動體驗日」活動，蔣專員及警務處助理處長(國家安全) 王忠巡等嘉賓到場主禮，現場有6間中學嘅學生一齊參與活動，場面熱鬧！
活動內容豐富，早上有由青識教育發展中心執行董事張瑞蓮、專欄作家屈穎妍及警務處西區助理指揮官林景昇警司主講嘅國安講座，同場仲有多個新興運動體驗攤位，包括匹克球、地壼、芬蘭木棋等，畀青少年喺輕鬆活力嘅氛圍下認識國家安全，深刻理解「維護國安，人人有責」嘅信息。
嚟緊嘅星期六(18/4)，龍城Family齊心護國安戶外展覽將正式開始，今次嘅展覽活動由九龍城區青年發展及公民教育委員會及九龍城民政處合辦，希望透過委員會設計嘅吉祥物，為大家生動講解國家安全嘅相關知識，每隻吉祥物都代表九龍城區唔同嘅地標，等你過嚟慢慢發掘！現場除咗有精美展覽，更設有多項互動打卡裝置。想同呢啲咁有特色嘅吉祥物打卡影相，記得到時過嚟啟德車站廣場(啟德站A出口)喇！
九龍城民政處亦喺區內主要幹道漆咸道北行人天橋懸掛精心設計嘅燈飾裝置，營造維護國家安全嘅濃厚氣氛，喚起居民對國家安全嘅關注。如果大家經過見到用心佈置嘅國安教育燈飾，記得打個卡，令身邊更多人關注國家安全嘅重要性！
@ 
@