@ 
1為響應15/4嘅全民國家安全教育日，油尖旺區20支關愛隊小隊今日（18/4）合辦國安主題講座。
講座以「大國博奕新時代」做主題，喺理工大學賽馬會綜藝館舉行，有近800名油尖旺區議員、地區人士及市民出席。
活動邀請咗全國人大常委、香港立法會主席李慧琼帶領大家深入了解國家安全各個領域對國家整體發展嘅重要意義；立法會議員陳宗彝就同大家講解國家近代發展。
油尖旺民政專員李家維多謝兩位主講嘉賓，亦多謝國安公署及中聯辦九龍工作部派代表出席支持，民政處會喺地區層面繼續推動大眾認識國家安全觀念。
2今日上晝，油尖旺區20支關愛隊小隊以同一主題，組織咗國家安全展覽廳一天遊。
超過650名區內市民由關愛隊隊員及義工帶領，參觀區內位於香港歷史博物館嘅國安展覽廳，學習更多國家安全嘅知識。
