@ 
由九龍城家長教師會聯會，舉辦嘅2026年度《家校合作 顯關愛》嘉年華，今日喺禮賢會彭學高紀念中學舉行。九龍城警區指揮官麥文禹總警司及九龍城區少年警訊名譽會長會主席劉偉光先生MH 亦獲邀成為今次嘅主禮嘉賓。
九龍城區少訊亦獲邀舉辦攤位活動，主題係「警覺投擲站」。少訊會員精心設計咗小遊戲，俾參加嘅大人及小朋友都可以喺遊戲中認識最新嘅騙案資訊，同緊記防騙熱線18222。有嘢學，有獎品，大人小朋友玩過都話正啊。
現場除咗少訊，仲有好多唔同機構嘅攤位活動，更有一浪接一浪嘅歌舞才藝同Ai機械人表演陪伴大家渡過一個充實嘅假期！
@ 