@ 
面對即將到來嘅風雨季節，荃灣民政處全力提升社區嘅防災應變能力，務求喺惡劣天氣來襲前做好準備。
尋日（6/5），荃灣民政處特別為深井居民舉辦咗「風暴潮預警系統及應變措施簡介會」。現場除咗關愛隊成員同埋村代表外，仲有唔少街坊親身參與。今次簡介會邀請到多個部門為大家分享應對惡劣天氣嘅注意事項，天文台先從科學角度剖析風暴潮嘅形成；渠務署則介紹風暴潮預警系統嘅運作同埋防洪設施及手段；針對深井嘅地形特點，土木工程拓展署分享咗防範山泥傾瀉嘅關鍵資訊；而深井消防局則帶來實用嘅水浸緊急自救教學。
作為協調中心，荃灣民政處亦向出席者介紹遇上惡劣天氣時嘅緊急應變流程、民政處轄下嘅臨時庇護中心位置及關愛隊嘅支援服務。
透過跨部門嘅全面協作同埋分享，唔單止讓大家更清晰各部門嘅職責，更強化社區與政府之間嘅緊密連繫。
無論晴天定係雨天，荃灣民政處都會堅守崗位，繼續發揮溝通橋樑嘅作用，同大家一起守護社區安全。
