@ 
4月30日同 5月 7 日（星期四），荃灣警區好開心迎接咗中華基督教會基慧小學，合共 112位小六同學仔嚟到荃灣警署參觀！精心安排咗一個既有特色又有趣嘅體驗活動俾一班同學仔：
警務知識大補帖：了解警署運作同報案流程，以及介紹警隊工作，等大家了解警署日常運作 ，做個知法守法嘅公民；
裝備全接觸：親身試穿防彈衣同頭盔，感受警察裝備嘅重量；
指模工作坊：自己動手做指模書籤，認識警方搜證過程；
警車打卡位：近距離接觸唔同型號警車，影相留念超帥氣；
壓軸好戲仲有警犬隊登場！ 領犬員嘅專業介紹配合精彩表演，全場同學仔都拍爛手掌！
希望透過呢 2日嘅旅程，同學仔對警務工作有更深認識，建立正向價值觀，培養學生守法意識，未來一齊積極撲滅罪行！
