@ 
九龍城區學校嘅校長、老師、家長同學生日前（2/5)齊集禮賢會彭學高紀念中學，參加由九龍城區家長教師會聯會主辦嘅「家校合作顯關愛」嘉年華。活動吸引逾千名參加者，場面熱鬧。
活動以「駿馬馳騁 智創未來」為主題，場內嘅表演同攤位種類豐富，亦結合唔少AI科技創新元素。參與演出嘅同學多才多藝，為大家帶嚟唱歌、跳舞同樂器演奏表演，另外仲有機械狗舞獅等演出。攤位主題多元化，如創新科技體驗、防騙知識宣傳、脊骨保健推廣等等。場內更設有互動手工藝教室等，畀親子一齊參與。
政制及內地事務局副局長胡健民同九龍城民政專員蔣志豪先後致辭。蔣專員讚揚聯會喺凝聚九龍城區各校家教會工作上嘅努力與貢獻，呢次活動亦成功展現出家校同心，連繫社區嘅精神。
九龍城民政處將繼續支持家校合作項目，與社區攜手，為青年創造更優質嘅成長環境。
