社區電力學堂@九龍城區

民政總署聯同中電合辦嘅「社區電力學堂」 已經推展至九龍城區！九龍城民政處聯同中電於7- 8/5喺紅磡社區會堂及啟德社區會堂舉辦咗兩場家居電力安全與節能講座。中電嘅講者透過好多日常生活中嘅實用例子，向參加者深入淺出講解家居電力安全須知同節約能源嘅方法，同時教大家點樣應對突發電力事故。參加者認為呢啲貼士好有用，教識大家安全用電之餘，仲學識點樣節省電費 。

中電稍後會為九龍城關愛隊舉辦「家居電力安全培訓班」 ，內容涵蓋基本家居電力安全知識 、風險辨識 及危機處理方法 ，讓關愛隊成員及早識別區內住戶嘅電力安全隱患，喺有需要時轉介個案予合資格電力工程人員，從而降低發生意外事故嘅風險。

九龍城民政處期望與更多公營機構合作推展公眾教育項目，協助機構履行企業社會責任，關愛社區同心協力促進地區社群嘅福祉 。