@ 
就快到母親節喇！各位葵青區少年警訊嘅會員，今次決定唔送康乃馨，改為親手整超 cute 嘅「防騙提子手工梘」！
點解係手工梘？因為想將「愛」同「防騙」一齊融入生活，洗走煩惱。JPC用心製作，為母親送上獨一無二嘅溫暖心意，洗走騙案， 一邊整梘一邊學嘢，提醒屋企人：「關懷多一點，騙徒走遠點！」
其實「送暖」同「防騙」係一樣㗎：只要我哋平時多啲關心身邊嘅長輩，多啲交流，騙徒自然無位入！
大家記得同媽咪講聲「母親節快樂」之餘，順便提醒佢哋：「提防陌生來電，唔好亂撳 Link 啊！」
祝全天下嘅媽咪都過一個充滿愛、平安又精明嘅母親節！祝各位媽咪，每一日都咁靚、咁醒目！
@ 