@ 
1.今日（2026年5月9日），油尖旺民政專員李家維去咗同區內尼泊爾裔代表午餐，講解民政處嘅工作之餘亦聽吓佢哋嘅意見，立法會議員鄭泳舜都有參與。
2.李專員今年初上任後，都陸續同區內嘅少數族裔團體及領袖分別會面：一月中去咗印度會，二月中就去咗巴基斯坦協會，兩個團體嘅會所都位於油尖旺。多謝少數族裔區議員Aruna Gurung幫手安排。
3.上月中，適逢孟加拉1433新年，香港孟加拉協會喺梁顯利油麻地社區中心舉行民族共融活動，李專員都有出席，同孟加拉裔嘅朋友一齊慶祝。
多謝少數族裔團體及領袖一直以來支持民政處嘅工作，民政處會繼續喺油尖旺推動族裔共融。
