@ 
深水埗區招牌活動「嚟深水埗Hea吓」系列昨日(10/5)喺基隆街舉行母親節特別版，向全年無休嘅媽媽們送上真摯感謝！
活動內容多姿多采，現場設有手作工作坊，街坊可以親手製作滿載心意嘅氣球花朵送畀媽咪，亦有親子遊戲區同專屬打卡位，一家大細都玩得盡興。今年更首度邀請香港城市大學學生到場 busking，現場歌聲感染力十足，吸引唔少街坊停低欣賞，氣氛熱鬧又溫馨！
活動由深水埔街坊福利事務促進會聯同深水埗區議會社區參與及文化康樂委員會合辦。深水埗民政專員王浩宇同多位區議員親臨現場，同街坊互動交流、欣賞表演，一齊共度充滿愛與歡笑嘅母親節！
@ 
@