@ 
於上星期五（5月8日），首屆「耆樂警訊安全力量」活動圓滿舉行！
活動喺警察遊樂會舉行，並由新界南總區指揮官暨耆樂警訊中央諮詢委員會主席張惠華先生，於活動開展禮上致歡迎辭。以耆樂警訊發展方針「PALS@SPC」四大主軸中的「安全」為主題，旨在提升長者喺「國家」、「社區」、「家居」及「個人」四方面嘅安全意識，攜手構建全方位守護屏障。
當日活動非常精彩豐富：
約300位老友記一齊參與國家安全、消防安全、法律諮詢 及貨車盲點體驗，仲學識咗「平安三寶」，一齊守護社區安全力量！
除此之外，荃灣耆樂警訊嘅老友記仲即場表演防騙短劇，特別針對高危一族——包括年齡介乎60至69歲、高學歷、富有、自以為有豐富投資經驗嘅人士。劇中提醒大家：千祈唔好亂咁網上投資，尤其係加密貨幣，凡事都要查證清楚，揀有信譽嘅平台，仲要提醒身邊人，做個精明老友記！
@ 
@