@ 
今日（11/5），超過30名葵青關愛隊隊員參加咗由葵青民政處及中電合辦嘅「家居電力安全培訓班」 ，讓隊員認識中電嘅供電系統，以及學習實用嘅家居電力檢測 。關愛隊深信多學一點，街坊就多一份安全！
喺中電專業人員嘅指導下，關愛隊隊員學習識別電線耗損同插頭過載等常見嘅家居電力隱患，並學習操作簡易電力檢測工具 。除咗學習進行電力安全評估外，隊員亦學到常見電器保養知識。關愛隊將會喺日後探訪居民時應用呢啲實用知識，辨識電力安全隱患，將安全使用電力嘅意識帶入社區，等大家住得安心又放心 。
葵青民政專員梁乘龍同中電企業事務總監羅國有亦到場為關愛隊打氣 ，勉勵隊員要細心觀察，成為社區中貼心可靠嘅「電力安全守護者」。未來，葵青區關愛隊將繼續走進社區，將呢份關懷同保障帶到葵青區每個角落 。
@ 