@ 
今日（5月11號），葵青警區去咗迦密愛禮信中學搞咗場禁毒教育分享會！ 今次唔係淨係講禁毒知識，仲請咗過來人「輝仔」現身說法！
輝仔親口講述當年點樣因為「朋友介紹」而跌入毒海 ，由身心崩潰到最後掙扎重生嘅真實經歷。聽到全場同學仔都「靜晒」，大家真係好大體會！輝仔仲提醒大家，吸毒除咗傷身，仲要負上沉重嘅法律代價 ，千祈唔好以身試法呀！
現場仲有「仿製毒品樣本」 展出，等大家認清呢啲魔鬼嘅真面目，唔好俾佢哋嘅包裝呃到。睇吓同學仔聽得幾投入，仲好踴躍發問添！
葵青警區會繼續努力，同大家一齊守護校園！記住：「一齊企硬唔take 嘢！」
