@ 
為了讓非華裔同學仔更深入認識香港文化與歷史，同時推動社會多元共融，荃灣警民關係組人員帶同一班嗇色園主辦可信學校少訊學校支會非華裔學生參加一場充實嘅「山頂一日遊」。
今日5月12日，20位來自嗇色園主辦可信學校少訊學校支會二至六年級嘅非華裔學生聯同老師以及警民關係組嘅哥哥姐姐，一齊跳出課室，用腳步探索香港，感受呢個城市嘅安全與活力！
一齊嚟睇下我哋為同學仔精心準備咗咩精彩行程啦！
百年經典體驗：
第一站會去搭歷史悠久嘅山頂纜車！體驗傾斜攀升嘅樂趣，從不同角度欣賞香港美景。
太平山頂打卡：
居高臨下俯瞰維港靚景，感受香港作為國際大都會嘅獨特魅力。
Happy Lunch Time：
去到邊都要開開心心！中午一齊歎同學們最愛嘅午餐，食飽飽再出發！
警察博物館探秘：
下午直闖警察博物館！透過導賞認識香港警隊嘅歷史同裝備，不但能加深同學們對國家安全同社會治安嘅了解，仲可以拉近警民距離㖭！
呢個活動唔單止係一次輕鬆嘅課外學習，更係一個寶貴嘅文化交流平台。希望非華裔同學仔可以透過同警務人員及社區嘅互動，增加對香港嘅歸屬感，真正體現「不分種族，共建和諧」嘅精神！
