@ 
北區咁大，最啱踩單車chill住玩！近日，香港單車協會聯同北區民政處同鳳水分區委員會搞咗個「新春北區導賞單車遊」，同超過400位市民一齊踩住兩個轆，新春行大運！
活動當日風和日麗，大家都精神爽利，喺上水鳳溪第一中學草地出發。北區民政專員賴子堅、全國政協委員兼北區撲滅罪行委員會主席陳文洲、立法會議員劉國勳、朱國強、鳳水分區委員會主席黃楚淇同香港單車協會會長陳進程同埋其他嘉賓都有到場支持參加者同主持鳴槍儀式！活動更加請到單車天王黃金寶參加鳴槍，阿寶喺出發前仲同大家分享喺公路上踩車要注意嘅地方，確保大家開心安全咁參加！
