@ 
大埔區好山好水，山徑四通八達，加上今年喜迎全運，區內全民運動嘅氣氛熾熱。22/3，由TTR毅行教室慈善基金主辦，大埔民政處、新界中學校長會同大埔區中學校長會全力支持，鵬程慈善基金贊助嘅「聯校毅力行2025」中學青少年越野跑錦標賽正式舉行，讓青少年親近大自然同體驗越野跑嘅挑戰，享受運動帶來嘅樂趣！
活動開始前，出席嘉賓鼓勵各健兒敢於接受挑戰同挫折，迎難而上、勇往直前！隨後比賽順利舉行，同學仔享受大自然之餘，亦成功挑戰個人體能、鍛鍊意志。大埔區青年網絡李洛程同陳廣銘更分別勇奪女子初中組冠軍及男子高中組第四名，可喜可賀！
