油尖旺區議會首推「流動會客室」

油尖旺區議會今日（22/4）首次推出「流動會客室」，反應唔錯。

首次流動會客室今日傍晚六至八點設於旺角東站外（近公共交通交匯處同大型商場）。

「會見市民計劃」嘅兩位輪值區議員鍾港武同歐楚筠，今日喺流動會客室聆聽市民聲音，油尖旺區議會主席余健強都到場幫手。

佢哋處理咗12件個案，涉及長者咭、公屋申請、環境衞生問題等。兩位區議員仲趁機幫市民登記做選民。

以後每個月區內都會有一次流動會客室，由油尖旺其他區議員輪流負責 ，日期地點有待公布。