@ 
粉嶺近日出現咗條時光隧道，究竟佢可以帶我哋去邊個時空呢？
其實呢條隧道係路政署同北區民政處合作嘅成果。早前路政署喺北區揀咗兩條行人隧道做美化，其中喺上水馬會道嘅隧道美化已經喺3月底完成，而今次嘅粉嶺聯和墟聯興街時光隧道就新鮮熱辣喺5月頭完成美化啦！
隧道位於三級歷史建築聯和市場隔離，聯和市場係50年代新界最大規模嘅市場，喺2023年完成活化後變身為「聯和市場-城鄉生活館」。就係由聯和市場嘅歷史獲得靈感，將隧道變身成為時光隧道，用北區嘅百年變遷同埋地標嘅今昔相片製成壁畫，畀各位街坊對照同了解一下北區嘅歷史。
