今日12月23日，荃灣警區警民關係組、少數族裔警察社區聯絡助理同埋荃灣區耆樂警訊探訪隊長，一齊去到梨木樹邨，探訪獨居長者及長者家庭，為佢哋送上溫暖問候同滿載心意嘅福袋，仲將最新嘅防騙資訊帶俾各位老友記，齊齊提高防騙意識！
除此之外，亦設置冬防防罪資訊站，向街坊派發防騙單張，宣揚防罪訊息，提醒大家假期將至，外出時要鎖好門窗做好防盜措施，唔好畀賊人有機可乘！
荃灣警區會持續與地區不同持分者舉行更多元化嘅義工活動，提升市民防罪防騙意識，記得繼續關注動向喔！
耆樂送福 • 防騙防罪 • 冬防防罪資訊站
@ B記@荃灣
你或有興趣的文章
