@ 
今日（1月13日）灣仔警區60位耆樂警訊會員，一齊觀賞咗由道路安全議會準備嘅「道路安全非一般問答比賽劇場」，學到好多實用知識！記住「三心兩意」口訣：過馬路要「專心」、「留心」同「唔分心」，要時刻「注意」道路安全，千祈唔好「捐車罅」，保護自己最緊要，咁先係送俾家人最好嘅「心意」。
另外亦提提各位老友記，1月25日起所有公共交通工具同商用車座位乘客都必須佩戴安全帶，記住要扣好安全帶，平安出門！
最後當然唔少得提醒老友記，近來騙案頻生，尤其要留意以下騙案手法：
投資騙案手法層出不窮，聲稱「高回報、零風險」多數係假，如有懷疑，立即搵警方查證！
假冒水務處職員致電或上門，話你水費有問題？一定要核實身份，唔好隨便透露個人資料或付款！
大家互相提點，保持警惕，一齊做個精明又安全嘅老友記！如有需要，記得致電防騙易熱線 18222 或報警求助！
@ 
@