荃城社區賀年送福 • 耆樂警訊隊長探訪活動

喺2月26日，大年初十，荃灣警區警民關係組、少數族裔警察社區聯絡助理同埋荃灣區耆樂警訊探訪隊長又再出動喇，今次去到福來邨，探訪獨居長者及長者家庭，同大家賀年問暖同埋派發滿載心意嘅福袋，最重要當然係向各位老友記宣傳防騙資訊啦，帶俾大家互助關懷之餘，齊齊亦提高防騙意識，做個醒目老友記！

小編見到各耆樂探訪隊長都積極落力教授長者們安裝警察流動應用程式及防騙視伏器，相信老友記都感受到關愛同溫暖！荃灣警區繼續會舉辦更多元化嘅義工活動，記得繼續關注動向啦！