耆樂警訊首屆防騙話劇 – 初賽

為耆樂警訊嘅首屆防騙話劇比賽，葵青區耆樂警訊6位老友記十分用心備戰，由撰寫劇本，製作道具，反覆排練都親力親為，希望透過生動話劇演繹詐騙個案，拆解騙徒嘅手法！

噚日（25/2）, 大家懷住期待同緊張嘅心情，一齊去警察總部參加「防騙話劇比賽」初賽啦！比賽中，各隊將唔同嘅騙案類型，透過話劇呈現出嚟，揭示騙徒嘅犯案手法，不單提高大家嘅防騙意識，仲合作將防騙訊息透過話劇傳遞開去，提升對騙案嘅警覺性。

雖然今次未能晉級決賽，但老友記都增進咗防騙知識，亦享受咗舞台表演，過足戲癮之餘亦加強防騙意識！