北區蚊怕隊 – 滅蚊宣傳活動

正值酷熱又驟雨頻繁，北區多鄉郊地方，容易出現積水，滋生蚊蟲。登革熱會經蚊叮傳染，大家必須提高警惕。

為保障市民健康，北區民政專員賴子堅連同多位北區區議員、北區關愛隊代表同食環署北區環境衞生辦事處嘅同事，8月23日一齊到粉嶺置福圍進行滅蚊宣傳活動，提高市民滅蚊意識。

食環署同事即場展示多項防蚊滅蚊措施，包括新添置嘅大型滅蚊噴霧機械（Robotic fogger）。最後大家一齊派發傳單畀市民，教識滅蚊同防止蚊蟲滋生嘅錦囊。