元朗區青年發展及公民教育活動 – 參觀石崗軍營

本年度嘅公民教育系列活動正式展開啦！元朗區青年發展及公民教育委員會繼續為元朗區居民帶來一連串精彩又富教育意義嘅公民教育活動，打響頭炮嘅喺去石崗軍營參觀。有見委員會上年舉辦嘅昂船洲軍營參觀活動十分成功，反應熱烈，委員會喺5/10再次邀請近百名元朗區嘅居民同學生一齊參觀石崗軍營，認識同埋了解國家嘅最新發展狀況！

今年係新中國成立七十五周年，石崗軍營嘅國慶活動精彩紛呈，包括觀看升國旗儀式、拳術表演、飛行表演、獵人戰鬥表演、武器裝備展示、參觀連隊、模擬射擊體驗等，參加者更可以一嚐軍營中嘅食品，大飽口福。