元朗區青年發展及公民教育委員會參觀國家安全展覽廳

由元朗區青年發展及公民教育委員會主辦、元朗區民藝協進會協辦嘅2024-25年度元朗區公民教育系列活動嚟到第4站喇！我哋一連兩日帶咗近80名元朗區居民同埋學生，參觀位於香港歷史博物館嘅國家安全展覽廳，全方位認識國家安全嘅重要性。

國家安全展覽廳係香港特區首個實體國家安全教育基地，參加者喺專業導賞員嘅帶領下，深入了解展覽廳內嘅6大展區，仲同3D影院短片入面嘅「國安小衛士」一齊互動，以有趣新奇方式全面學習國家安全知識。