@ 
由元朗區青年發展及公民教育委員會主辦，東華三院賽馬會天水圍綜合服務中心協辦嘅「課外活動及職業博覽」 星期日（18/1）喺天水圍銀座廣場圓滿舉行 ！委員會一直致力推動元朗區青少年嘅全人發展，並積極回應佢哋喺成長路上嘅不同需要。今年，委員會特別將「課外活動」與「生涯規劃」兩大元素結合，以更全面嘅方式協助青年認識自己嘅志趣，及早規劃未來。喺典禮上 ，委員會主席李聖根特別勉勵青年要堅持夢想 ，發掘個人潛能 ，活出精彩人生。
課外活動及職業博覽旨在發掘青年各方面嘅潛能，加強佢哋喺學術同知識層面嘅啟發 、培養個人興趣 同埋發展良好嘅品格， 並希望參加者透過了解不同行業，配合自身興趣同埋能力，作出明智嘅升學或就業選擇 。博覽會嘅攤位種類豐富，包括：文化藝術 、玩樂遊蹤 、科學探索 、音樂發展 、學術認知 、社會公益 、生活社交 、體育運動 同埋品格培養 等，讓參加者能夠近距離了解 及接觸各類課外活動。參加者可以喺各個攤位之間自由穿梭瀏覽，更可以即場報名參加現場舉辦嘅工作坊同埋體驗活動，例如智慧城市設計、滾軸溜冰、街舞體驗等。大家玩得投入又學得開心。喺生涯規劃 方面，會場亦設有職業展覽，介紹各行各業嘅入職要求 、發展前景 同埋技能需要，期望青年可以將個人事業、全人發展 同埋終身學習 緊密連繫 。
元朗區青年網絡旗下嘅Fans Club充分利用參加博覽會嘅機會，設立推廣攤位，積極吸納會員。Fans Club嘅會員義工 喺攤位與參觀者分享成為會員後嘅有趣歷練，吸引咗唔少青年前嚟了解。會員義工嘅熱情介紹吸引咗好多年青即場加入成為會員，齊齊接收元朗區青年網絡嘅最新資訊 同埋一齊參加區內各項青年活動 。
希望各位元朗區青少年參加完課外活動同埋職業博覽後能夠有所啟發 ，了解自身需要，培養多元發展 ，開展屬於自己嘅夢想旅程 ！
