@ 
「國家安全是民族復興的根基，社會穩定是國家強盛的前提」 為加強青少年對國家嘅認識同弘揚愛國情懷 ，元朗區文藝協進會聯同元朗民政處12/4舉辦咗 「銘記歷史·珍愛和平·展望未來」升旗典禮與儀仗檢閱暨國家安全展覽 。
活動得到元朗民政專員馬富威、中聯辦新界工作部二級調研員龐杰釗、香港賽馬會對外事務副總經理鄧建明、一眾地區領袖及政府部門代表到場主禮同支持。今次活動特別招募咗區內21間中、小學同幼稚園嘅學生 ，接近400位大小朋友一齊參與，透過升旗隊步操檢閱儀式，令大家更深入了解祖國嘅偉大歷史同文化 ，感受自己作為中國公民嘅責任同使命 ，提高國民素養同集體榮譽感 。
喺莊嚴而隆重嘅氣氛下，參加者跟隨教官口令，精神抖擻咁進行中式步操 ，彰顯國家情懷 ！步操過後亦有參與嘅同學作分享，表達佢哋愛國愛港，維護國家安全嘅決心！
大會仲安排咗銀樂隊表演 ，將氣氛推向高峰 ！現場同時設有國家安全及《「一國兩制」下香港維護國家安全的實踐白皮書》展板展覽，畀大家近距離認識國家安全嘅意義，更深刻體會到「國安才有家安」嘅重要信息 。
未來日子，元朗民政處會繼續透過不同渠道推動愛國活動 ，提高區內人士，特別係青少年嘅國家安全意識。我哋要一齊銘記歷史、珍愛和平，堅定咁維護國家安全，為促進國家繁榮安定作出貢獻 。
