@ 
為咗提高「荃」民家居防爆竊意識，荃灣警區警民關係組人員繼續喺今日5月8日進行咗兩項重點防爆竊宣傳行動：
行動一：旺區街頭宣傳
人員今日去到荃灣圓墩圍、海壩街、曹公坊及享和街一帶，向街坊派發防爆竊宣傳單張，提醒大家做好保安措施，防止賊人有機可乘。
行動二：三無大廈重點防爆竊
人員深入荃灣區一帶嘅「三無大廈」（無法團、無管理公司、無保安員），喺大廈入口、梯間及信箱位張貼防爆竊海報，並向住戶派發單張，進行面對面提醒。
防爆竊重點，即刻記低：
出門前或店舖關門後，務必檢查並鎖好所有門窗 ;
建議安裝智能防盜系統 + 高清閉路電視(CCTV)，加強防禦 ;
避免喺屋內或店內存放大量現金及貴重物品 ;
三無大廈住戶可考慮加裝窗花、防盜眼、智能感應燈 ;
發揮鄰里互助精神，留意陌生人士出入 ;
如發現形跡可疑人士，請立即報警求助 ;
警民齊心，防患未然 ;
防盜意識多一點，財物損失少一點。
記得將防罪資訊分享俾身邊嘅家人、鄰居同朋友，一齊共建安全社區 。
