少訊學校支會活動 – 母親節手作 • 心意傳情

五月係感恩嘅季節！喺上星期五5月8日，警民關係組人員分別去到中華基督教會全完第一小學同天主教石鐘山紀念小學，同一班少訊學校支會嘅同學仔，一齊製作愛心花束，提早為母親送上驚喜！

每個同學都落足心機去製作愛心手工花朵，係心意卡上為母親寫上每一句祝福語，代表住母愛嘅偉大同無私付出，呢份親手製作嘅禮物絕對係最有溫度！

希望呢份小禮物能為媽媽們帶嚟一個暖心嘅母親節。少年警訊除咗培養同學仔嘅紀律，更希望傳遞感恩同回饋家庭嘅正向價值觀。

BP 大平台