@ 
由黃大仙區文娛協會主辦、黃大仙民政處合辦嘅「黃大仙遊園樂聚嘉年華」今日(26/4)喺黃大仙廣場圓滿舉行 ！黃大仙民政專員Thomas、黃大仙文娛協會主席李德康、警務處黃大仙區指揮官楊鎮波總警司、以及一眾地區領袖為活動打響頭炮 ，仲同街坊玩埋一份 ！
嘉年華節目豐富多彩 ，既設有印度手繪 、漫畫速寫 、水墨畫等民間工藝體驗活動外 ，亦有深受大朋友同小朋友喜愛嘅夾公仔同小籃球遊戲 。玩得盡興之餘 ，場內亦設有各式各樣嘅懷舊小食 ，如叮叮糖 、糖蔥餅、同香氣四溢嘅雞蛋仔及格仔餅等 ，帶大家回到童年！大會仲邀請咗多位著名歌星嚟為觀眾獻唱金曲 ，觀眾都聽出耳油 ，度過歡樂周末 ！
