18區日夜都繽紛＠青樂屯遊 – 派發特色地圖

屯門鄰近深圳灣口岸，而且出入港九新界各區都好方便。為咗展示屯門區嘅獨有魅力同埋介紹屯門區深度遊覽路線，屯門民政處、屯門區議會提振地區經濟專責工作小組同埋屯門區青年發展及公民教育委員會，繼2024年12月製作第一版「青樂屯遊」地圖後，推出咗更新版本嘅插畫地圖！

新版地圖加咗更多由屯門區青年推介嘅地道小食同創意料理，屯門好山、好水、好玩、好旅遊嘅特色打卡位。同學亦推介市民同旅客到訪劉春祥抗日英雄群體紀念碑，喺抗戰勝利80周年紀念嘅大日子，了解更多屯門喺抗戰時嘅英雄事跡，深度感受穿梭於屯門城市發展嘅大型購物商場、抗戰歷史同大自然鄉郊融合嘅獨特文化體驗。